ÌDÍJE ÀTẸ́LẸWỌ́ FÚN Ẹ̀BÙN LÍTÍRÉSỌ̀ YORÙBÁ TI ỌDÚN OGÚN OGÚN ÀRÚN

ÀTẸ́LẸWỌ́ jẹ́ ẹgbẹ́ tí a dá sílẹ̀ ni ọjọ́ kiní oṣù kẹfà, ọdún 2017 gẹ́gẹ́ bi ojútùú láti kọjú oríṣiríṣi àwọn ìpèníjà tó n d’ojukọ èdè àti àṣà Yorùbá. Yàtọ̀ sí pé ọ̀pọ̀lọpọ̀ èèyan ni kò mọ̀’kọ mọ̀’kà ní èdè abínibí wọn, ó tún ṣe ni láàánú pé àwọn ìwé lítírésọ̀ Yorùbá tó jọjú kò wọ́pọ̀ mọ́n. Eléyìí sì ń ṣe àkóbá fún ipa wa láti dásí àwọn ọ̀rọ̀ tó ń lọ lágbáyé pẹ̀lú òye abínibí wa.

Gẹ́gẹ́ bí àjọ tó dé láti yí ǹkan padà, ÀTẸ́LẸWỌ́ wá láti ṣe àtúntò àti ìgbélárugẹ èdè àti àṣà Yorùbá pẹ̀lú àwọn àfojúsùn wọ̀nyìí:

Láti pèṣè ibi tí àwọn akẹ́kọ̀ọ́ àti ọ̀dọ́ leé máa kópa pẹ̀lú oríṣiríṣi ẹ̀yà àṣà àti ìṣe Yorùbá látàrí ìdíje, ẹ̀kọ́, ìfọ̀rọ̀jomítoro ọ̀rọ̀ ati ṣíṣe ìpàdé déédé.
Láti ṣe àgbékalẹ̀ ibi tí a ti má ṣe àkọsílẹ̀ àti ìpamọ́ òye àṣà Yorùbá ìgbà àtẹ̀yìnwá àti láti máá lo ìmọ̀ ẹ̀rọ ìgbàlódé fún ìdàgbàsókè àṣà wa.
Tí ta àwọn èyàn jí sí ìfẹ́ lítíreṣọ̀ Yorùbá latàrí ṣiṣe ètò ìwé kíkà, jíjẹ kí ìwé lítíreṣọ̀ Yorùbá wà nlẹ̀ fún tità àti ṣíṣe àtẹ̀jade àwọn oǹkọ̀wé titun ní èdè Yorùbá.

Ní ìbámu pẹ̀lú àwọn àfojúsùn wa, ÀTẸ́LẸWỌ́ fi àsìkò yìí kéde Ìdíje Ẹ̀bun Ọdọọdún Fún Lítírésọ̀ Yorùbá. Ìdíje yìí wà fún gbogbo àwọn òǹkọ̀wé èdè Yorùbá ti wọn ò tí tẹ iṣẹ́ (ewì, eré oníṣe àti àròsọ) wọn jáde rí. À ń fi ìdíje yìí lọ́lẹ̀ ní ìgbà karùn-ún, èyí sì jẹ́ àgbékalẹ̀ pàtàkì láti ṣe ayẹyẹ yìí.

A gbé Ìdíje yìí kalẹ̀ láti le kojú oríṣiríṣi ìpèníjà tó ń kojú ìwé kíkọ ní èdè Yorùbá bíi rírí àwọn atẹ̀wéjáde to mú’ṣẹ́ wọn lọkúnkúndùn, ìwé títà oun níní àwọn olùkàwé to ní ìfarajìn àti bẹ́ẹ̀ bẹ́ẹ̀ lọ. Ìdíje yìí tún gbèrò láti dá ògo àṣà lítírésọ̀ Yorùbá padà, eléyìí tí ọ̀pọ̀ èèyan ti ṣe sàdáńkatà fún jákèjádò àgbáyé tẹ́lẹ̀rí.

Ìlànà

Fún àwọn tí wọ́n bá nífẹ sí fífi iṣẹ́ wọn ráńṣẹ́ sí ìdíje ÀTẸ́LẸWỌ́, wọ́n gbọdọ̀ tẹ̀lé àwọn ìlànà wọ̀yìí:

Gbogbo iṣẹ́ tí ẹ bá fẹ́ fi ránṣẹ́ gbọdọ̀ jẹ́ (a) EWÌ (b) ÀRÒSỌ (d) ERÉ ONÍṢE tàbí (e) AÁYAN ÒGBUFỌ̀.
Ìdíje yìí wà fún àwọn òǹkọ̀wé tí wọn kò bá tí ì tẹ ìwé náà jáde rí ní èdè Yorùbá. Eléyìí túmọ̀ sí pé gbogbo iṣẹ́ tí ẹ bá fi ránṣẹ kò gbọdọ̀ tíí wà ni títẹ̀jáde, yálà nínú ìwé ni o tàbí lóri ẹ̀rọ káyélujára.
Ìdíje yìí wà fún àwọn òǹkọ̀wé tí ọjọ́-orí wọn jẹ méjìdínlógún tàbí jù bẹ́ẹ̀ lọ.
Dandan ni kí àwọn ìwé ìfiranṣẹ náà wá pẹ̀lú àmì tó tọ́ lórí wọn. Fún ìraǹlọ́wọ́ ẹ wo ibí àti ibí.
Òǹkọ̀wé kan, iṣẹ́ kan.
Òǹkà ojú ìwé ìfirańṣẹ́ náà gbọ́dọ̀ wà láàrin àádọ́ta sí ọgọ́rùn-ún tàbí jù bẹ́ẹ̀ lọ. Iṣẹ́ náà gbọdọ̀ wà ni inú ẹ̀dà Microsoft Word, ojú ọ̀rọ̀ 12, alálàfo kanṣoṣo.
Fún aáyan ògbufọ̀, ẹ le túmọ̀ ìwé Yorùbá sí èdè Gẹ̀ẹ́sí, ẹ sì tún le túmọ̀ àwọn èdè mìíràn sí èdè Yorùbá, ṣùgbọn a fẹ́ràn jù pé kí ẹ túmọ̀ sí èdè Yorùbá. Gbogbo iṣẹ́ tí ẹ bá fẹ́ túmọ̀ sí èdè Yorùbá tàbí iṣẹ́ Yorùbá tí ẹ bá fẹ́ túmọ̀ si èdè Gẹ̀ẹ́sì gbọdọ̀ jẹ́ àwọn iṣẹ́ tó ti wa ni àmúlò àwùjọ tàbí kí ẹ ríi dájú pé ẹ gba àṣẹ láti ọwọ́ òǹkọ̀wé tàbí àtẹ̀wétà tó tẹ ìwé náà. Ẹ̀rì yìí gbọdọ wà lára ìfiṣọwọ́ yín.
Àwọn olùdíje-gbégbá orókè tẹ̀lẹ̀rí nínú ìdíje yìí kò ní àǹfàní láti fi iṣẹ́ wọn ráńṣẹ́ sí wa. Àwọn wọ̀nyìí ni orúkọ wọn wà ní’sàlẹ̀ yìí láti ọdun 2021 títí di àkokò yìí.

Àtẹ́lẹwọ́ ní àṣẹ láti má ka ìfiránṣẹ́ tí kò bá tẹ́lẹ̀ àwọn ìlànà òkè yìí. A sì ní àṣẹ láti wọ́gi le ìfiránṣẹ́ náà.

Gbèǹdeke

A kò ni ka iṣẹ́ ti ó bá wọ’le lẹ́yìn Ọjọ́ keje, Oṣù Kẹta, Ọdún 2025

Àwọn Olùdájọ́

Ó ń bọ̀ lọ́nà

Ẹ̀bùn

A ó ṣí’ṣọ lójú eégún olùdíje kan ṣoṣo tó gbégbá orókè. Olùdíje yìí yóò jẹ ẹ̀bùn Ẹgbẹ̀lẹ́gbẹ̀ Kan Náírà (N1,000,000) àti àǹfàní láti tẹ ìwé náà jáde. Pẹ̀lú òfin àti ìlànà wa.

Ìwádìí

Fún ìwádìí, ìrànlọ́wọ́ àti ìbáṣepọ̀

Ìfiránṣẹ́

Ẹ wo línkì yìí láti fi iṣẹ́ yín ránṣẹ́ sí wa. Ẹnikẹ́ni kò gbọdọ̀ fi iṣẹ́ rẹ̀ ṣọwọ́ sí méélì wa.

Àwọn tí iṣẹ́ wọn tayọ 2021 - 2024

Ṣeun Adéjàre (T’ẹníkú Ló gbé)
Amos Ọlátúnjí Pópóọlá (Akínkanjú Ọdẹ Nínú Igbó Àmọ̀tẹ́kùn)
Sodiq Lawal (Koówè Ń kéé (Àròjinlẹ̀ Àròfọ̀))
Agboọlá Àyándìran (Ó Já Sọ́pẹ́)
Mustapha Sheriff (Akọdan) – Olùgbégbá Orókè

Waliyullah Tunde Abiimbola (Oko Ẹranko, a Yorùbá translation of George Orwell’s “Animal Farm”). Olùgbégbá Orókè
Kafilah Ayọ̀bámi Fashola (Àbẹ̀ní)
Bákárè Wahab Táíwò (Atewolara Akewi-Akowe)
Anífowóṣe Zainab Olúwafúnmilọ́lá (Igbeyin Owuro)
Abdulkareem Jeleel Ọlasunkanmi (Ewì Kòbọmọjẹ́)

Babátúndé A. Shittu (Láàdì) Olùgbégbá Orókè
Jimoh Lateef Adérójú (Àròfọ̀ Àsìkò)
Álímì – Adéníran O̩mo̩s̩aléwá (Àwọn Obìnrin Òwu, a translation of Women of Owu by Femi Osofisan)
Rasheed Malik Adeniyi (Nǹkán Yán)

Adéwùmí Fatimah Luqman (Ọ̀rẹ́ Àtàtà) Olùgbégbá Orókè
Fámúyiwa Olúwafẹ́mi (Àtẹ̀yìntọ̀)
Abdulrosheed Ọlálékan Fádípẹ̀ (“Àwọn Arìnrìn Àjọ̀ Àkọ́kọ́ Sínú Òṣùpá”, a translation of “The First Men in the Moon” by H.G Wells)
Adémọ́lá Ọláyíwọlá (Ewì Àrìnyè)